बागलुङको ओढारचौर–ढोडेनी सडक स्तरोन्नति थालिएको छ । आगामी असार महिनाभित्र कालोपत्र हुने गरी सडक स्तरोन्नतिको काम तीव्र गतिमा भइरहेको हो ।

विश्व बैंकले नेपाल सरकारलाई उपलब्ध गराएको ऋणबाट सडक निर्माण थालिएको थियो । बागलुङ नगरपालिकाले तीन वटा सडक कालोपत्र गर्न ५८ करोड अनुदानलडक निर्माण प्रक्रिया अगाडी बढाएको हो ।

नगपालिकाले ओढारचौर–ढोडेनी फोर्से सडकसँगै वडा नम्बर १ मा पर्ने गणेशथान घुम्ती–माझीबस्ती–निरयघाट सडक र वडा नम्बर ७ को मूलपानी स्कुल हर्राचौर कालीमाटी–तितौरे सडक छनोट गरेको थियो ।

नगरपालिकाले ०८१ जेठ १५ गते आशिषरफेवा जेवीसँग १२ दशमलव ५ किलोमिटर सडक कालोपत्र गर्न ४९ करोड २१ लाखमा २०८२ असार ३० भित्रमा निर्माण सक्ने गरी सम्झौता गरेको थियो । ट्रयाक खुलेको २६ वर्षपछि सडक स्तरोन्नति हुने भएपछि स्थानीय खुसी भएका छन् ।