भौतिक पूर्वाधार तथा यातायात मन्त्री देवेन्द्र दाहालले सरकारले पूर्वाधार निर्माण तथा विकासका सवै क्षेत्रलाई गति दिएको बताउएका छन् । काठमाडौको कपन क्षेत्रमा सडक अनुगमन तथा निरीक्षणका क्रममा मन्त्री दाहालले गठवन्धनमा रहेका दलहरु विचमा दर्विलो विश्वास र सहकार्य रहेकै कारण विकास निर्माणले गति लिएको बताए ।
स्थानीयबासीले सो क्षेत्रमा खोला व्यवस्थापन तथा सडक निर्माण गर्न मन्त्री दाहाल समक्ष माग गरेका थिए । कपन क्षेत्रका स्थानीयहरुको माग बमोजिम स्थानीय निकायहरुसँग समन्वय गरी यस क्षेत्रको समस्या समाधान गर्ने मन्त्री दाहालको तर्क छ । पूर्वाधारहरुको विकासले नागरिकको जीवन स्तरमा पनि परिवर्तन ल्याईरहेको बताउँदै सडक सञ्जालको विकासले शिक्षा, स्वास्थ्य जस्ता सेवा भएको दाबी गरे ।

देशका विभिन्न राजमार्गहरु अहिले निर्माण तथा स्तरोन्नतीका क्रममा रहेकाले केहि स्थानमा सवारी साधन सञ्चालनमा समस्या भए पनि सके सम्म यातायात अवरुद्ध हुन नदिने गरि काम भई रहेको बताए । वर्षायाम शुरु हुनै लागेकाले निर्माणाधिन सडकहरुमा यातायात अवरुद्ध हुन नदिनेगरी संयन्त्र परिचालन गर्ने तयारी गरेको बताए ।
सडक निरीक्षण टोलीमा संघीय सडक सुपरीवेक्षण तथा अनुगमन कार्यालय काठमाडौका प्रमुख शुभराज न्यौपाने, सडक डिभिजन कार्यालय काठमाडौका प्रमुख नारायणदत्त भण्डारी, ईन्जिनियर प्रमोद खतिवडा लगायतका कर्मचारी तथा प्राविधिकहरु सहभागी थिए ।