नारायणगढ–बुटवल सडक योजना पूर्वी खण्डको गैँडाकोटबाट दाउन्नेसम्म एकतर्फी ५० किलोमिटर कालेपत्र सम्पन्न भएको छ । पूर्वीखण्ड अन्तर्गत कुल ६३ किलोमिटर मध्ये एकतर्फको ५० किलोमिटर सडक कालोपत्र गरिएको हो । लामो समयदेखि लक्ष्य अनुसारको काम नभएको नारायणगढ–बुटवल सडक निर्माणले पछिल्लो समय तीब्रता पाएको छ ।
पूर्वी खण्डको बाँकी १३ किलोमिटर सडक आउँदो वर्षा अघि नै पूरा गर्नेगरी तीव्र गतिमा काम भइरहेको छ ।
२०७५ माघ २४ गते सम्झौता भएर निर्माण अघि बढेको यो सडकमा वर्षौदेखी यात्रुले कष्टपुर्ण यात्रा गर्दै आइरहेका थिए । कसल १ सय १३ किलोमिटर लम्बाई रहेको यो सडक २ दुई खण्डमा विभाजन गरेर निर्माण भइरहेको छ । २०७९ साउन २२ गते सडक विस्तारको काम सम्पन्न गर्ने लक्ष्य राखिएको थियो । तर निर्माण कम्पनी चाइना स्टेट कर्पोरेसनले लक्ष्य अनुसारको काम गर्न नसके पछि पटक पटक म्याद थप हुदै आएको छ । सरकारले तेस्रो पटक थपेको म्याद समेत आगामी २०८२ साउन ८ गतेसम्म तोकिएको छ । तेस्रो पटक थप गरिएको समयमा समेत निर्माण सम्पन्न हुने सम्भावना न्यून देखिन्छ ।
