Author: Nepal Nirman

गण्डकी प्रदेशको विकट मानिएको जिल्ला मनाङमा विधिवत रुपमा नै सार्वजनिक बस नियमित रुपमा सञ्चालन भएको छ ।

२०८१ चैत ७ गते पहिलो पटक यात्रु लिएर बस आइपुगेको मनाङमा सहज रुपमा सार्वजनिक बस सेवा नियमित हुने गरी सञ्चालनमा ल्याइएको हो । लमजुङ सदरमुकाम बेसीशहरबाट रिजर्भ यात्रु लिएर बेसीशहर पोखरा रुट चल्ने कान्छा सफारीको ना ६ ख ९५७९ नम्बरको यात्रुबहाक बस पहिलो पटक मनाङ सदरमुकाम चामे ल्याउन सफल भएको थियो । परीक्षण सफल भएपछि  नियमित सञ्चालन गरिएको हो ।

मनाङमा निर्माणाधीन मनाङ मस्र्याङ्दी जलविद्युतका सामान लिएर दश चक्के ट्रकहरु समेत सहज रुपमा पुग्ने गरेका छन् । बस पनि लान सकिन्छ भन्ने लागेर परीक्षणमा पठाइएको बस चालकले सकिने बताएपछि समन्वय गरिएको हो । डेढ दशक अघि नै मोटर चल्न थालेको मनाङमा हालसम्म बोलेरो, टाटासुमो जस्ता साना सवारीसाधनले मात्र यातायात सेवा दिइरहेका छन् ।

बेसीशहरबाट चामेसम्मको ६५ किलोमिटर सडकमा यात्रा गर्न अब बोलेरो जीपसँगै बस मार्फत सेवा प्रवाह हुने भएको छ । बेशीसहर–चामेसम्मको भाडादर सात सय ४० कायम गरिएको छ ।

विक्रम सम्बत २०१९ वैशाख १ गते पूर्व पश्चिम राजमार्गको निर्माण थालिएको थियो । भने वि.स २०२२ सालमा उद्घाटन गरिएको थियो । तर पूर्व पश्चिम राजमार्ग निर्माण भएको ४ दशक भन्दा बढी समयसम्म स्तरउन्नती हुन सकेको थिएन । यो राजमार्गलाई २०७५ मा एसियन राजमार्गको मापदण्ड गर्न निर्माण थालिएको थियो । जसको फलस्वरुप पूर्वपश्चिम राजमार्ग अन्र्तगत भरतपुर गोन्द्राङ सडक निर्माण सम्पन्न भएको छ । दातृ निकायको सहयोग भन्दा पनि स्वदेशी पूँजीमा निर्माण गरिएको यो सडक फलदायी भएको संघीय सडक सुपरीवेक्षण कार्यालय काठमाण्डौका सुई शुभराज न्यौपाने बताउँछन् ।

आयोजनाको नाम  पूर्व पश्चिम राजमार्ग अन्र्तगत भरतपुर चितवनको गोन्द्राङ पुलचोक खण्डको स्तरोन्नति र सुधार
लागत  १ अर्ब १३ करोड
निर्माण कम्पनी इण्डो सगुन जे.भी
निर्माण सुरु  २०७७ माघ १७
निर्माण सम्पन्न  २०८१ पुस २६

चितवनमा बढ्दो शहरीकरणलाई व्यवस्थित बनाउन २०७५ मा यो सडक निर्माणको परिकल्पना गरिएको भौतिक पूर्वाधार तथा यातायात मन्त्रालयका सचिव केशव कुमार शर्मा बताउँछन् । स्तरउन्नतीको शिलान्यस २०७७ माघ १७ गते प्रधानमन्त्री केपी शर्मा ओलीले गरेका थिए । भने उनै प्रधानमन्त्री ओलीले २०८२ वैशाख ५ गते उद्घाटन गरेका हुन् । ओलीले समयमै गुणस्तरीय सडक निर्माण गरेको भन्दै निर्माण कम्पनी इण्डो सगुन जेभीलाई धन्यवाद दिएका थिए । सडक उद्घाटन कार्यक्रममा इण्डो सगुन जेभीलाई सम्मान समेत गरिएको थियो । २०७५ मातत्कालिन सरकारको परिकल्पना अनुसार भौतिक पूर्वाधार तथा यातायात मन्त्रालय मातहातका निकायले छोटो समयमा नै सडक निर्माणको तयारी पुरा गरेको सडक विभागका महानिर्देशक रामहरी पोखरेल बताँछन् । संघ प्रदेश र स्थानीय तहको समन्वय प्रभावकारी भए समयमै गुणस्तरीय काम गर्न सकिने पोखरेलको तर्क छ । यता निर्माण जिम्मा पाएको इण्डो सगुन जेभीले यो सडक निर्माणमा अनेकौ अप्ठ्यारा पार गरेको बताएको छ । सगुन कन्ट्रक्सनका सञ्चालन सहदेव खड्काले समयमै सडक निर्माण गर्न पाउदाँ हर्षित भएको बताए । तोकिएको समयमा गुणस्तरीय काम गर्न पाँउदा नेपाली निर्माण क्षेत्रमा यो परियोजना नमुना भएको खड्काको तर्क छ । २ वर्ष ४ महिनामा निर्माण सक्नेगरी काम थालिएको भएपनि कोरोना महामारीले काम प्रभावित हुन पुगेको थियो । सडक डिभिजन भरतपुरको सुपरीवेक्षणमा निर्माण भएको यो सडकमा शहरी सौन्दर्यकरणलाई समेत विशेष ध्यानमा राखिएको छ । कुल लागत १ अर्ब १३ करोड रहेको थियो ।
पूर्वपश्चिम राजमार्ग एसियाली विकास बैंक लगायत दातृ निकायको सहयोगमा निर्माण भएपनि भरतपुरको पुल्चोकदेखी गोन्द्राङ सडकखण्ड भने नेपाल सरकार आफैले नमुनाको रुपमा निर्माण गरेको हो ।

नागढुंगा सिस्नेखोला सुरुङमार्गको काम रोकिएको सोमवार २३ दिन पुगेको छ । चालु आर्थिक वर्ष भरीमा सञ्चालनमा ल्याउने तयारी गरिएको सुरुङमार्ग निर्माण ठप्प हुदाँ सरकारी निकाय बेखबर बनेका छन् । स्थानीयको अवरोधका कारण रोकिएको निर्माण कार्य सञ्चालन गर्न सरकार्री तवरबाट कुनै प्रयास भएको छैन । स्थानीयहरुले भने आफुहरुको माग पुरा नभएसम्म काम सञ्चालन हुन नदिने अडान राख्दै आएका छन् ।
नेपालको पहिलो सुरुङमार्ग नागढुंगा सिस्नेखोला सुरुङमार्ग निर्माणमा स्थानीयहरुले पटक पटक अवरोध गर्दै आइरहेका थिए । निर्माणको अन्तिम चरणमा रहेको सुरुङमार्गको काम अवरोध हुदाँ आयोजनाको लागत बढ्ने भएको छ । भने सञ्चालनको तयारी समेत प्रभावित हुने भएको छ ।

सुरुङमार्गको काम रोकिएको ३ हप्ता भन्दा बढी समय बित्दा समेत तालुकदार मन्त्रालय भौतिक पूर्वाधार तथा यातायात मन्त्रालयले कुनै कदम चालेको छैन । स्थानीयहरुलाई वार्तामा बोलाएर निर्माणमा सहजीकरण गर्नु पर्ने मन्त्रालयले उदासिनता देखाइरहेको छ । नागढुंगा सिस्नेखोला सुरुङमार्ग आयोजनाले स्थानीयहरुलाई वार्तामा आउन आग्रह गरे पनि सफल हुन सकिरहेको छैन । स्थानीयहरुले आयोजना सुरुहुदाँ उठाइएको मागहरु अहिलेसम्म पुरा नभएको भन्दै काममा अवरोघ गरेको बताउदै आएका छन् । सुरुङमार्गको काम प्रभावित हुदाँ निर्माण व्यवसायीले दैनिक ५० लाख भन्दा बढी क्षतिपुर्ति दाबी गर्ने सडक विभागका प्रवक्ता अर्जुनजंग अर्याल बताउँछन् ।

२०७६ कात्तिक देखी निर्माण थालिएकोे सुरुङमार्गको भौतिक प्रगति ८७ प्रतिशत पुगेको छ । भने २०८२ असोज भित्रमा सञ्चालनमा ल्याउने तयारी गरिएको छ ।

नारायणघाट–बुटवल सडक अन्तर्गत दाउन्ने खण्ड ४ दिन बन्द हुने । स्तरउन्नती भइरहेको यो सडक २०८१ चैत २७ देखी ३१ गतेसम्म बन्द हुने भएको छ । निर्माण कार्य सहज बनाउन दिउँसो ११ बजेदेखी ३ बजेसम्म सडक बन्द गरिने भएको छ । साथै २०८२ वैशाख १ गतेबाट राती ११ बजेदेखी बिहान ५ बजेसम्म सडक बन्द गरिने सडक विभाग अन्तर्गत एसियाली विकास बैंकको आयोजना निर्देशनालयले जानकारी दिएको छ ।